18

ബം​ഗ​ളൂ​രു: ക​ർ​ണാ​ട​ക​യി​ൽ ക​ടു​വ​യു​ടെ ആ​ക്ര​മ​ണ​ത്തി​ൽ ക​ർ​ഷ​ക​ന് ഗു​രു​ത​ര പ​രി​ക്ക്. മൈ​സൂ​രു ജി​ല്ല​യി​ലെ സ​ര​ഗു​ർ താ​ലൂ​ക്കി​ലെ ബ​ഡ​ഗ​ല​പു​ര ഗ്രാ​മ​ത്തി​ലാ​ണ് സം​ഭ​വം.

ഗു​രു​ത​ര​മാ​യി പ​രി​ക്കേ​റ്റ മ​ഹാ​ദേ​വ്(34) എ​ന്ന​യാ​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വ​യ​ലി​ൽ ജോ​ലി ചെ​യ്തി​രു​ന്ന ക​ർ​ഷ​ക​ർ​ക്ക് നേ​രെ​യാ​ണ് ക​ടു​വ​യു​ടെ ആ​ക്ര​മ​ണ​മു​ണ്ടാ​യ​ത്. ക​ർ​ഷ​ക​ർ മ​ര​ത്തി​ൽ ക​യ​റി ര​ക്ഷ​പെ​ട്ടെ​ങ്കി​ലും മ​ഹാ​ദേ​വി​ന് ഓ​ടി മാ​റാ​ൻ സാ​ധി​ച്ചി​ല്ല.

ക​ടു​വ മ​ഹാ​ദേ​വി​നെ വ​ലി​ച്ചി​ഴ​ച്ചു​കൊ​ണ്ടു​പോ​യി മു​ഖ​ത്തും ത​ല​യി​ലും ക​ടി​ച്ചു. ഇ​യാ​ളു​ടെ നി​ല ഇ​പ്പോ​ഴും ഗു​രു​ത​ര​മാ​യി തു​ട​രു​ക​യാ​ണ്.

വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യ​ത്തെ കു​റി​ച്ച് നി​ര​വ​ധി ത​വ​ണ പ​രാ​തി ന​ൽ​കി​യി​രു​ന്നെ​ങ്കി​ലും വ​നം​വ​കു​പ്പ് ഉ​ദ്യോ​ഗ​സ്ഥ​ർ ക​ടു​ത്ത അ​നാ​സ്ഥ​യാ​ണ് കാ​ണി​ക്കു​ന്ന​തെ​ന്ന് നാ​ട്ടു​കാ​ർ ആ​രോ​പി​ച്ചു. ക​ടു​വ​യെ പി​ടി​കൂ​ടാ​ൻ കു​ങ്കി ആ​ന​ക​ളെ​യും ഡ്രോ​ണു​ക​ളും പ്ര​ദേ​ശ​ത്ത് വി​ന്യ​സി​ച്ചി​ട്ടു​ണ്ട്.

പ​ത്ത​നം​തി​ട്ട: ക​ടു​വ​യു​ടെ ആ​ക്ര​മ​ണ​ത്തി​ൽ ഫോ​റ​സ്റ്റ് വാ​ച്ച​ർ​ക്ക് ദാ​രു​ണാ​ന്ത്യം. പെ​രി​യാ​ർ ടെെ​ഗ​ർ റി​സ​ർ​വി​ലെ വാ​ച്ച​റാ​യ അ​നി​ൽ കു​മാ​റി​ന്‍റെ (32) മൃ​ത​ദേ​ഹ​മാ​ണ് പൊ​ന്ന​മ്പ​ല​മേ​ട് വ​ന​ത്തി​ൽ ചൊ​വ്വാ​ഴ്ച രാ​വി​ലെ​യോ​ടെ ക​ണ്ടെ​ത്തി​യ​ത്.

പൊ​ന്ന​മ്പ​ല​മേ​ട് പാ​ത​യി​ൽ ഒ​ന്നാം പോ​യി​ന്‍റി​ന് സ​മീ​പ​മാ​ണ് ക​ടു​വ ഭ​ക്ഷി​ച്ച​നി​ല​യി​ൽ മൃ​ത​ദേ​ഹാ​വ​ശി​ഷ്ട​ങ്ങ​ൾ ക​ണ്ടെ​ത്തി​യ​ത്. ഞാ​യ​റാ​ഴ്ച രാ​വി​ലെ പ​മ്പ​യി​ലേ​ക്കെ​ന്ന് പ​റ​ഞ്ഞു​വീ​ട്ടി​ൽ​നി​ന്ന് പോ​യ​താ​ണ് അ​നി​ൽ​കു​മാ​ർ. മൂ​ന്നു​ദി​വ​സ​മാ​യി​ട്ടും കാ​ണാ​ത്ത​തി​നെ തു​ട​ർ​ന്ന് ന​ട​ത്തി​യ തി​ര​ച്ചി​ലി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

ആ​ദി​വാ​സി വി​ഭാ​ഗ​ത്തി​ൽ​പ്പെ​ട്ട അ​നി​ൽ​കു​മാ​ർ വ​ന​വി​ഭ​വ​ങ്ങ​ൾ ശേ​ഖ​രി​ക്കാ​നാ​ണ് ഞാ​യ​റാ​ഴ്ച രാ​വി​ലെ വീ​ട്ടി​ൽ​നി​ന്ന് പോ​യ​തെ​ന്നാ​ണ് വി​വ​രം. ഭാ​ര്യ: മ​ഞ്ജു. മ​ക്ക​ൾ: വി​ദ്യ, നി​ത്യ, ആ​ദ​ർ​ശ്.